أنشودة , لأهل سدير

السلام عليكم ورحمة من الله وبركاته ..

اهلا وسهلا

بس , أحبك يا [ سدير ] ..

[ كلمات الأنشودة ]

..

يالله يا ذا الفضل والجود والمجد
يا الواحد المولى عزيز الجلال
الحمد للي وصل العمر هالحد
وشاهت بعيوني سنايا العيال

..

يومي صغير الجد اقول ياجد
واليوم صرت الجد يا هملالي

والعمر يقضي والليالي تجدد
والحي خبره للفلا والزوالي

..

..

لا بد ما نرحل عن الدار لا بد
ارحل وينزل في مكاني بدالي
القصر لابده على الطول ينهد
والموت يفني ساكنينه ليالي

وين الرجال اهل البعارين والكد
اهل النخيل اللي ثمرها عسالي
البدو كلن عن لزومه تنشد
كلن يجي للكيل وقت المكالي

..

..

جماعتي مني لهم صافي الود
بلدة [ سدير] افخر بها والرجالي
عن ضيفهم ما منهم اللي يتصدد
تلقى الضيوف حقوقها اول و تالي

..

والنار من شببها ما تردد
يشبها لـلضيف قرم النثالي
واللحين ما يبخل ولا شي محدد
فنجالها لها خنتن بـانفعالي

والجمر في المطعم لا جاه مزود
قولة هلا لبعيدهم والموالي
كلن على الطبع وعلى ما تعود
واهل المراجل مرخصين الريالي
واهل الوفا ... والطيب والعز انا اشهد
نلقا لهم ... في ديره مجالي

للتحميل

شكرا مشكور

العفو